Labrit Ondarea Castelló-ko Jaume I Unibertsitateak antolatzen duen “Ondarea aztertzeko XI. jardunaldia”-n parte hartuko du heldu den uztailaren 23an.Topaketa hauek Tokiko Taldeen antolatzaileak, teknikari eta adituak biltzen dituzte. Aurtengo edizioan Kultur Ondarearen sozializazioari buruz izanen da hausnarketa: nola lortu herritarren parte hartze eraginkorra euren Ondarea kudeatzeko orduan.
Labriten ponentziak honako izenburua izanen du: “Parte hartzea, aniztasuna eta gizartaratzea: Ondare Materiagabearen kudeaketa Labrit Ondarean” eta Diana Sánchez, arkitektoa eta http://patrimonioindustrialarquitectonico.com/ blogaren egilea, “Publiko guztiendako Industri Ondarea” izenburudun hitzaldia emanen du.
Horrezaz gain, komunikazioen aurkezpenarekin eta taller batekin osatuko da egitaraua. Tallerrean honako galdera erantzuten saiatuko gara: zeintzuk dira Kultur Ondarea modu egokian gizartaratzeko gakoak? Eztabaida dagoeneko Twitterren hasi da #patrimoniujiclaus traolarekin eta bueltan lantegi partehartzaile honetako ondorioak ekarriko dizkizuegu. Ziur gaude gure proiektuetan gako hauek barneratzeko aukera izanen dugula.
Jardunaldiei buruzko informazio gehiago ikusteko aukera hemen http://patrimoni.peu-uji.es/es/
