PROIEKTUAK
‘Mend100urrena’ dokumentala montaje fasean sartzera doa
Euskal Herriko Alpinismo Federazioaren mendeurrenari buruzko ‘Mend100urrena’ dokumentalaren filmaketa amaitu dugu, Euskal Herriko Biltzarrarentzako ekoizten ari garen film laburra.
Zohikaztegiei buruzko bideo dibulgatiboa
Ezagutu CIREF-Wetlands International erakundearentzat ekoiztu dugun bideo honetan zer diren zohikaztegiak Mikel Lorda López botanikariarekin batera, non dauden Iberiar Penintsulan, zer onura dituzten eta zergatik den garrantzitsua haiek babestea.
‘Oroimenaren giltzak’ banatu ditugu San Jeronimo egoitzan
Lehen begiratuan, bere erretratu inprimatua duen zurezko ohol soil bat dirudi, baina QR kodea eskaneatuta, bere bizitzako une garrantzitsuak erakusten dituzten 10 argazki ikusi eta horiei lotutako oroitzapenak entzuteko aukera du orain, bere kontakizunak berak azalduta.
Torralba del Ríoko memoriaren bilketa 5 bizitza istorioen bidez
5 elkarrizketa, 16 ordu ahozko memoria eta ehunka oroitzapen bildu ditugu Torralba del Ríon. Atzo emaitza aurkeztu eta parte hartu duten herritarrei materiala eman genien ekitaldi hunkigarri batean.
Zaldibiako Kultura Ondare Immaterialaren agerpideen aurreinbentarioa berresteko lanetan murgilduta gaude
Zazpi herritarrek lagundu digute, hiru orduz, Kultur Ondare Immaterialaren adierazpenen zerrenda baliozkotzen. Aurrez identifikatu genuen zerrenda hori, Labrit Ondarearen kabinetearen lanaren bidez, hainbat iturri bibliografiko kontsultatu ondoren. Milesker, zazpiei!
Jaso Ikastolaren aurrematrikulazio kanpainan parte hartu dugu
Jaso Ikastolaren aurrematrikulazio kanpainan parte hartu dugu bigarren urtez, aurtengoan Iruñerriko postontzietan banatu den eskuorriaren eta Diario de Noticias egunkarian (paperean zein webgunean) jarritako publizitatearen diseinuarekin.
