DINBILIDANBALA, Lehen Hezkuntzako bigarren eta hirugarren zikloetan (hirugarren mailatik seigarren mailara) Kultur Ondare Immaterialaren garrantzia transmititzeko helburuarekin garatu zen baliabide didaktiko bat da. Proiektu honek NAVARCHIVO eta ikastetxeak harremanetan jartzen ditu. Nafarroako Gobernuko Ondare Zerbitzuak finantzatu zuen eta Bitartean: artea eta hezkuntza elkarteko hezitzaile taldeak diseinatu du. Kultura Departamentuak, aste honetan aurkeztu du proiektua.
Labritek bere Ondare ikuspegia aplikatu dio mahai joko honi, gure Ondare Immaterial Unitateetako sekuentzien artean gai nagusiak hoberen ilustratzen dituztenak hautatuz: jolasak eta espiritualak (arrosa kolorea), eskola eta lana (kolore horia), auzoa, herria eta hiria (kolore urdina) eta etxea eta etxebizitza (laranja kolorea). Jokalari talde bat “tailerra” izeneko lauki borobilera iristen denean, gela osoak 15 ikus-entzunezkoetako bat ikusten du dagokion gaiarekin lotutako elkarrizketekin.
Jokoa osatzen duten 120 elkarrizketak (60 espainierazko bertsioan eta 60 euskaraz) Nafarroako herrietan egiten joan garen Ondare Immaterialaren bilketa lanean erregistratutako ahozko adierazpenak dira. Oraingoz, 100 unitate argitaratu dira espainieraz eta beste horrenbeste euskaraz eta Foru Komunitateko Lehen Hezkuntzako ikastetxeetara igorriko dira. Labritek diseinatutako proiektuaren web-orrian bertan, ikus-entzunezko edukiak ikusteko aukera eskaintzen da: http://www.dinbilidanbala.com/
Labriten, ondarezko edukiak ikus-entzunezkoan transmititzea gustatzen zaigu, ziur baikaude belaunaldi gazteenengana iritsi nahi badugu, beharrezkoa dela euren lengoaian hitz egitea.
